قصايد شليويح بن فريج القريد البلوي

ياالله ياخالق الليل والشمس
تعطف علينا بالرضا والوفاقي
المؤمن اللي يعبد الرب والخمس
يحرص عليهن بالوفا والوثاقي
اللي يحمس البن يحرص على الحمس
يحرص عليه من النيا والحراقي
يا راكب اللي مشيهن بالمسا همس
عند المعارك يقشعن الطواقي
والراسي ياللي تقل مضروب في دمس
من كثر مايسمع من الهرج ضاقي
عزيل من شوقه مع الناس باللمس
مايشوق من حوله من العز باقي
الأولين علومهم مالها رمس
جميع ما بالدنيا مداه الفراقي
والقلب لامنه مات معتوه بالطمس
ماهمه اللي راح ولا ولا البواقي
عند اللوازم ينخزن كنه النمس
يعقب عن الجودات مثل العناقي
سبحان من سبح له الجن والإنس
خالق شجار تنعرف بالمذاقي
بعض العرب متكبر كنه اورنس
هرجه كثير ولا يعقب سواقي
كل العلوم الاوله مالها رمس
أصحابه شجعان عند التلاقي

النساء بين الطاعه والعصيان

بعض الناس تزرع على الكبد عله
منكدة بالزوج دبت حياته
تبغا تصرف بالعمل مستقله
والزوج راعي البيت تترك وصاته
لسانها بالخبث دايم تسله
رجالها بالليل تحسن دواته
البعض منهن في بطن دله
وان قام صلى تخلفه عن صلاته
البعض منهن هيل في بطن دله
في بيتها مثل الرجل في عبادته
للجار مثل الغيث كلا يدله
بالطيب ترشد زوجها في سواتها
وفيهن كما الريجان شحه وخله
الطعم مر ومعذبا في شراته
وفيهن كما الحمضل تجيب المذله
مبهدلة بالزوج وده وهاته
وفيهن كما مزنه مطرها تهله
مها يبل الأرض وتكثر رعاته
نطلب كريما كلنا تحت ظله
يظلنا يوم القيامه رضاته

القدس

يامسلمين القدس صارت نهابه
مشلحه ما بين ماجوس ويهود
اللي نهبها كلب ريس عصابه
شارون وعمه بوش للعدل صادود
متحضر للحرب حاسب حسابه
أموال أمريكا خلت الكلب نمرود
مغرور كلب الغرب فاقد صوابه
كلبا يحب الدم يا الكون مقرود
جميع مسلم صار ماله مهابه
من عقب الأقصى والحرم صار مهدود
تعدانا مليار واضح جوابه
نحرر القدس على وقت محدود
تراالجهاد يا ناس مفتوح بابه
والعمر واحد والأجل يوم موعود
من جاهد الكفار يكثر ثوابه
يوم القيامه ياجده عد ماجود
فعل العرب مشهود وقت الصحابه
مثبتين الدين في كل مجهود
من الفرات للنيل صفوا أترابه
صفو كبار الشرك والعلم ماكود
رسولنا اللي علمه في كتابه
شفيع الأمه يوم شاهد ومشهود
محطم الأصنام تهوى خرابه
من شان دين الله بالكون معبود

الصمت أساس الضعف


كيف الدول تخشا تقول الصراحه
مهدده من بوش في زرع الإرهاب
جسما يعمل بالعرب في وقاحه
أفعالهم ما هو محسب لها حساب
جسما مريضا وزايدتا جراحه
مجبور يصبر على المرض طاب ما طاب
أراضي الميعاد صارت أشلاحه
اللي شلحها كلب الغرب نهاب
أمريكا اللي قوته في سلاحه
رئيس أمريكا للبلا صار جياب
مباغض الإسلام كثر أرماحه
ضربات سبتمبر خلت الكلب منصاب
بيذبح من الإسلام في كل ساحه
شارون حق وفيه للحق طلاب
لون العرب تلتم تسمع صياحه
ما يضيع حق وفيه للحق طلاب
ما يرجع اللي راح كثر النياحه
يطلب عوض ماراح من رب الأرباب
ياللي تخلق الليل والصبح زاحه
تعطف علينا بأرضاء وأنت جلاب

الشهامه العربيه


سويت لي فنجال شيخ الفناجيل
بنه مصرهد فوق جمر الدلالي
حطيت له مسمار من جمله الهيل
إلى شربته ينشرح كل بالي
أنصح عيالي بالكرم والمعاميل
مطربات الضيف في كل حالي
الهرج الطيب والكرم له مكاييل
ميزان مثبت مرتفع بالعلالي
العلم الطيب ينقله جيل من جيل
وراثتا معقبه من غوالي
يا الله ياللي خالق الشمس والليل
واضع ذنوبي يا كريم الكمالي
تعطف عليه بالرضا كل ماعيل
تغفر ذنوبي يا كريم الكمالي
وين الربوع اللي تساوى على الخيل
ما خافوا العدوان في دوخالي
طلبت ربي يرزق الأرض بالسيل
حتى تربع للغنم والجمالي

حوار بين القلب وصاحبه



واقلبي اللي بالهواجيس محتار
شرق وجنوب وغرب وشمالي
يقول لي خلك مع الوقت صبار
جميع ما بالدنيا مداه الزوالي
أقول له خلك عقلي مع الناس من دار
وأصبحت وسط الكون كني لحالي
ويقول لي خلك مع الخلق سيار
وقلبا يحب الخير بالخير عالي
وأقول له جسمي معك وأنت منظار
واحرص عليه وصاحبه وأنت غالي
ويقول لي حرصك ترا الوقت ديار
يجيك وقتا ما تحصل مجالي
وأقول له هون علي وأنت جسار
أخشى من الزلات وانته تسالي
ويقول وش مطلبك وأنت دوار
وش مقصدك وأنا الرفيق الموالي
وأقول له شفي مع الناس طيار
وأشوف ما بالكون فوق الرمالي
ويقول لي هون ترا الوقت منشار
الوفت ذاهب ينحسب بالليالي
وأقول له ودي مع الخلق زوار
نحج بيت الله فوق الرحالي

الجوال



ياناس أنا عايف الجوال
لأجل العذاري يشيلننه
رقبت شيئا منه منهال
شيئا عيوني يشوفنه
أونست قلبي يجول بجال
كل الهواجيس وردنه
بغيت أسافر مع الجمال
عروق القلب ردنه
خبرت درب الهوى قتال
أنصح من اللي يخوننه
طلبت ربي يستر الحال
عقب الشفا يدخل الجنه

ن من سبح له الإنس والجن
ما بسماء والأرض كلا يعبدوه
مكون الأكوان بالوزن والقن
ما أحد يخالف ما وضع وماتعدوه
حتى القمر والشمس يمشن ويجن
مطاوعات الرب والكون ضووه
مثبت الأجبال بالأرض يرسن
منفذين الأمر من غير مايجوه
مسير الأرياح والرزق في فن
نظامه اللي كونه مايعرفوه
أمره مطاع بالأموامر يسيرن
حتى البحر والموج للضلع شالوه
من أجل موسى والمصاحف يسون
من شان دينه يظهره لو يعادوه
منزل التوراة في الكتب يهدن
بعد الظلاله كل كافر يجافوه
من بعده الإنجيل في الدين يرون
واللي حفظ للدين دايم يحبوه
في نزلت القران كلا تيقن
أن العداله مع محمد يعزوه
نبي الأمة وبالرسايل يوفن
للي يريد العدل والدرب يمشوه
صلات ربي عدد مزون يبينا
والرق طريق الحق والعدل قاموه

يسلموووووووو

رووووووووعه يسلمو

صح لسان الشاعر